Тетово конечно ќе го добие своето јавно претпријатие за урбанистичко планирање, патишта и улично осветлување – ова го ветува кандидатот за градоначалник од Националната алијанса за интеграција, Бајрам Реџепи.
-Со „Тетовски Патишта“, одржувањето, изградбата и осветлувањето, ќе бидат директна одговорност на општината. Изработката на деталните урбанистички планови ќе се врши според професионални критериуми и од самото претпријатие, а не, како досега, по желбите на инвеститорите. Работа со план, долгорочно планирање и осветлен град! – се вели во објавата на Реџепи на социјалните мрежи.