Од Сојузот на борците од НОАВМ и граѓаните продолжувачи од Тетово, со реакција до Општина Тетово заради како што велат неистакнувањето на македонското знаме за 19 Ноември – Денот на ослободувањето на Тетово.
-Сојузот на борците од НОАВМ и граѓаните продолжувачи од Тетово, го честита уште еднаш Денот на ослободувањето на градот – 19 Ноември на сите граѓани, заблагодарувајќи им за учеството и поддршката на настаните со кои достоинствено го чествувавме големиот градски празник. Во оваа прилика упатуваме остар протест поради тоа што и оваа година Општина Тетово не го одбележа празникот и никаде не го истакна македонското знаме. Изговорот дека тоа се должи на тоа што Законот за државни празници не го опфаќа како државен празник 19 Ноември, е сепак само изговор. Зошто ако е така, секоја година се виорат знамиња и се прославува 28 ноември како ден на албанското знаме, кога истиот не е државен празник во Македонија – се вели во реакцијата на Сојузот на борци – Тетово.