„Слободата беше платена со највисока цена, со животите на многу борци кои веруваа во идеалот за слободна татковина“.
Тетово е последниот ослободен град на македонската територија, со кој се заокружи народноослободителната борба. 19 Ноември достојно се одбележа во центарот на градот, како еден од најсветлите денови во историјата на градот – Денот на ослободувањето.
Голем број претставници од здруженија, политички партии, ученици, положија свежо цвеќе пред Споменикот на револуцијата во центарот на градот, спомнувајќи си за сите паднати борци кои со своја жртва придонеле за денешната слобода.
Иако често порано тоа не било случај, оваа година имаше делегација од локалната самоуправа на чествувањето.
