Од Сојузот на борци од НОАВМ и граѓаните продолжувачи Тетово, со остра реакција против како што велат етничката мајоризација на Општина Тетово.
Од таму со критика за избраниот заменик градоначалник без образложение, како и кон програмата за одбележување не месец ноември. Нивната реакција Ви ја пренесуваме во целост:
-Сојузот на борците од НОАВМ и граѓаните продолжувачи остро реагира против етничката мајоризација на Општина Тетово, при која не се негува инклузивното граѓанско општество, а Македонците и другите помали народи се континуирано дискриминирани и оддалечувани од процесот на носење на одлуки.
Иако до пред извесно време Билал Касами тропаше на сите врати барајќи глас, говорејќи македонски јазик и ветувајќи нов пристап, токму на негов предлог е избран Заменик градоначалник Албанец без дополнително образложение. Прашуваме која квалификација му недостасува да речеме на д-р Бранислав Светозаревиќ да врши должност Заменик градоначалник? Зошто нужните коалиции на централно ниво, не се пресликуваат со принципиелна претставеност и на локално ниво?
Исто така, реагираме и на програмата за одбележување на месецот ноември, кога поради денот на албанското знаме и денот на албанската азбука се трошат јавни пари и ресурси, а се заборава на македонскиот јазик, па сите објави во врска со тоа се исклучиво на албански јазик. Во текот на месец ноември се одбележува и Денот на ослободувањето на Тетово – 19 Ноември, а тој е игнориран од Општина Тетово, која е за некого мајка, а за некого маќеа. Тука упатуваме критика и до советниците во Советот кои молчат за ваквото еклатантно дискриминирање. Доколку почетокот Ви е молчење, каков ли ќе биде крајот на мандатот? – се вели во соопштението на Сојузот на борци.