Нападната жена во Гостивар од 58 и 54-годишник.
СВР Тетово информира дека инцидентот се случил во текот на вчерашниот ден, а случајот го пријавил сопругот на нападнатата жена.
-На 27.11.2025 во 20:20 часот полициски службеници од ОВР Гостивар, на ул. ,,Бањешница“ во Гостивар ги лишиле од слобода З.Ш.(58) и Ѓ.Ш.(54) од Гостивар. Тие биле пријавени од Ѓ.Ш.(34) од Гостивар дека околу 20:00 часот, во семејната куќа физички ја нападнале неговата сопруга С.Ш.(22). Според пријавеното, З.Ш. се обидел и со остар предмет да го нападне пријавителот и други лица, а им упатувал и закани. По документирање на случајот ќе следува соодветен поднесок – соопштуваат од СВР Тетово.
Од таму со информација и за уште еден физички напад, односно семејно насилство. Имено, вчера во 15:05 часот во ОВР Гостивар, 47-годишна жителка од Гостивар пријавила дека претходниот ден околу 09:00 часот во нивниот семеен дом, била физички нападната од нејзиниот сопруг во Гостивар. СВР Тетово презема мерки за расчистување на случајот.
Билтенот на СВР Тетово бележи и случај на агресивно однесување од страна на 42-годишник од с. Шемшово, кој бил приведен бидејќи ги омаловажувал полициските службеници кои вршеле должност. Имено, тој бил сопатник во патничко возило ,,ауди“ со тетовски регистерски таблици, управувано 42-годишник од истото село, а полициските службеници се дел од Полициската станица за безбедност на патниот сообраќај Тетово. Приведениот бил задржан во полициска станица и по документирање на случајот ќе му биде изготвен соодветен поднесок.
Регистриран е уште еден физички напад.
-На 27.11.2025 во 22:20 часот во ОВР Гостивар, Х.З.(43) од с.Градец, гостиварско, пријавил дека околу 19:50 часот со своето патничко возило со гостиварски регистерски таблици застанал пред продавница на ул.,,Мајор Чеде Филиповски“ во Гостивар, по што бил физички нападнат од А.Н. и Ј.Н.. При тоа А.Н. со тврд предмет му го скршил и стаклото од возилото. Се преземаат мерки за расчистување на случајот – соопштуваат од СВР Тетово,
На ул. „Браќа Ѓиноски“ пак, во Гостивар, пред работилница бил нападнат и малолетник. Се работи за 13-годишно дете, кое било нападнато од едно лице, а случајот го пријавила неговата 39-годишна мајка.
Од СВР Тетово информираат и дека се преземени мерки за пронаоѓање на исчезната 19-годишна девојка од с. Сенокос, која има здравствени проблеми, а случајот го пријавил нејзиниот 62-годишен татко, кој ја информират полицијата дека девојката с еоддалечила од нивниот дом, околу 02:30 часот.
СВР Тетово и со информации за спроведена контрола на возачи и возила.
-Во текот на вчерашниот ден (27 ноември) на подрачјето на СВР Тетово, спроведена е контрола на возила и возачи. При контролата санкционирани се вкупно 15 возачи (ГВ) за непрописно паркирање, а 28 возила (ТЕ-16 и ГВ-12 се подигнати со специјално возило пајак. Санкционирани се и 93 други видови сообраќајни прекршоци (ТЕ-56 и ГВ-37) – се вели во билтенот.