Љубовните песни имаат моќ да допрат до нашите срца и да ја изразат суштината на човечките емоции. Со оглед на тоа дека е февруари, месецот на љубовта, во продолжение ви нудиме листа на љубовни песни на кои не можете да останете рамнодушни.
Без разлика дали славиме љубов, тажиме по изгубената, или пак се радуваме на новите почетоци, овие песни остануваат вечни. Слушани од различни генерации, ова се безвременски хитови. За тоа говори и нивната популарност и ден денес, како и низа на преработки и кавер верзии од различни пејачи. Базирано на податоци за слушаност и времето поминато на светските топ листи, ви ги претставуваме најдобрите 10 љубовни песни на сите времиња.
1.Whitney Houston – “I Will Always Love You”
Оваа легендарна песна, напишана од Доли Партон, достигна врвна популарност благодарение на изведбата на Витни Хјустон во филмот „Телохранител“. Песната доминираше на топ листите и остана на врвот цели 14 недели на „Билборд Хот 100“.
2.Elvis Presley – “Can’t Help Falling in Love”
Со својот романтичен текст и нежна мелодија, оваа песна стана класика. Обожавателите на „Кралот на рокенролот“ ја препознаваат како една од најзначајните балади на сите времиња. Песната е изведувана и од други бројни артисти, а доста популарна е и изведбата на латино заводникот Хулио Иглесијас.
3.Celine Dion – “My Heart Will Go On”
Позната како главната тема од филмот „Титаник“, оваа песна е симбол на вечната љубов. Со милиони продадени копии и огромен успех на топ листите, таа останува една од најпознатите љубовни песни.
4.Ed Sheeran – “Thinking Out Loud”
Иако е помодерна, сепак и оваа песна на Ед Ширан прерасна во класика, а се најде на врвот на многу листи и е неизоставен дел од свадбени церемонии низ целиот свет. Нејзината интимна порака и прекрасна мелодија ја прават безвременска.
5.The Beatles – “Something”
Напишана од Џорџ Харисон, оваа песна е дел од легендарниот албум „Abbey road“. Се смета за една од најубавите љубовни песни во историјата на рок музиката.
6.Lionel Richie & Diana Ross – “Endless Love”
Ова дуо создаде магија со песната “Endless Love”, која беше номинирана за неколку Греми награди. Се смета за една од најдобрите дуети на сите времиња.
7.Etta James – “At Last”
Класиката на Ета Џејмс е симбол на љубовта и посветеноста. Оваа песна продолжува да биде омилен избор за романтични моменти дури и децении по нејзиното издавање.
8.Adele – “Someone Like You”
Со својата емотивна изведба и срцепарателен текст, Адел успеа да ја освои публиката ширум светот. Песната ја достигна првата позиција на многу топ листи и останува незаборавна. Преполна со емоции, одлично доловена од магичниот глас на Адел.
9.Frank Sinatra – “Fly Me to the Moon”
Оваа елегантна песна на Легендарниот Френк Синтара е симбол на љубовната романса. Со својот џез стил, таа и денес е популарен избор за специјални прилики.
10.John Legend – “All of Me”
Посветена на сопругата на пејачот Џон Леџенд, оваа песна ја освои публиката со својата искреност и емоции. Таа помина недели на врвот на топ листите и стана омилена љубовна балада.