Победа за Лина Ѓорческа на почетокот од квалификациите за Австралија опен.
Најдобрата македонска тенисерка, во првата рунда ја елиминираше четвртата носителка Синја Краус од Австрија со 2:0 во сетови (7:5 и 6:0), за 62 минути.
Првиот брејк го направи австриската тенисерка (108 на ВТА ранг-листата) и потоа стигна до предност од 4:2 во гемови. Во деветтиот гем Ѓорческа спаси две сет топки и намали на 5:4, а во следните три гема на противничката и препушти само два поена.
Ѓорческа вториот сет го освои без загубен гем. Следна противничка на нашата Лина е Тамара Зиданшек од Словенија, која со 2:0 ја победи Французинката Џесика Понше.