Што и да се упати како комплимент кон Наташа Миха ќе биде премалку. Тетовката е вистински пример за еден комплетен музичар и артист, со кој Тетово и тоа како се гордее.
Нејзината упорност, ентузијазам и талент се неоспорни. Наташа расте со музиката, постојано се надоградува, а тоа го докажуваат нејзините многубројни успеси. Во продолжение нејзината богата биографија:
Наташа Миха е етаблиран музичар, вокален интерпретатор и автор во областа на популарните жанрови, како и изведувач на класична и современа музика. Нејзината сестраност, музичкото познавање, како и вокалните способности и овозможуваат да изведува широк спектар на музички стилови со креативност, емоција и техничка маестралност.
Во 2013-та, дипломира со највисока оценка Cum Laude на Факултетот за Музичка Уметност при Универзитет „Св. Кирил и Методиј“ – Скопје, отсек соло-пеење. Во 2016-та ги завршува магистерските студии во класата на истиот професор, стекнувајќи се со звање – магистер по вокална интерпретација.
Како уметник, Наташа дејствува на македонската музичка сцена повеќе години, препознатлива по автентичниот израз и естетиката на нејзината музика. Како самостоен изведувач и автор, во 2022 Наташа го издава својот студиски албум „10 љубови“, а подоцна и сингловите „Инферно“, „Тука со мене“ и „Светлина“.
Таа е фронтмен, клавијатурист и автор во прогресивниот рок бенд „Station: Innermost“ од Скопје, со кој има објавено концептуален албум „Exposure“ и сингловите „Тhe Light“, „Four And a Half Minutes Away“ и „My Only One“. Бендот Station: Innermost има остварено соработка со клавијатуристот Derek Sherinian (ех-Dream Theater, Billy Idol, Alice Cooper и др.) кој се појавува како гостин на две песни од „Exposure“.
Наташа е ко-сопственик на студиото „Green Room Sound“ во Скопје, каде заедно со својот сопруг Дамир Пух работат на музички проекти и создаваат музика и за други артисти.
Наташа зад себе има бројни настапи, солистички концерти и турнеи во земјата и странство. Била учесник на повеќе музички фестивали, самостојно или како член на повеќе состави, меѓу кои позначајни се Blues and Soul Festival Скопје, North City Blues & Jazz Косовска Митровица, Охридско Лето, Скопско Лето, Струшка Музичка Есен, Денови на Македонска Музика, Златна Лира, како и настапи со Македонската Филхармонија.
Наташа има настапувано и како пратечки вокал на Vanessa Mae и Queen Real Tribute воСкопје.
Наташа зема учество и во студиските проектина Студио FAMES. Едно од нејзините најголеми интернационални достигнувања е снимање на солистички перформанс во композицијата „In Heaven“ за филмот „Zhong Kui: Snow Girl And The Dark Crystal” (музика на етаблираниот Javier Navarrete во соработкасо Nicolas Dodd, во продукцијана Sam Okell), снимено во МРТ Скопје (2014).
Освен нејзината активност во музичко-сценскиот свет, Наташа делува и во областа на едукацијата. Таа е доцент по џез пеење на Музичката Академија при Универзитет „Гоце Делчев“ воШтип, како и наставник по пеење во основното и средното музичко училиште „Тодор Скаловски – Тетоец“ воТетово. Наташа е основач и на „Sing With Miha“, едукативна онлајн платформа наменета за професионални пејачи и ентузијасти.
Во 2024 и 2025 година, во интернационална соработка со Zhejiang Conservatory Of Music во Ханжу – Н.Р. Кина, Наташа одржува мастеркласи по пеење во рамките на конзерваториумот, и учествува на џез концерти на кои се претставуваат ново-компонирани џез дела.
Нема сомнение дека Наташа е навистина сестран и автентичен уметник. Нејзиното име е етаблирано во музичкиот свет како симбол за музичка разноликост, талент и силен авторски печат. Таа постојано го промовира градот од каде што потекнува и докажува дека со напорна работа, љубов кон музиката и неоспорен талент, може да се стигне до ѕвездите.