Во светот постојат многу напуштени градови кои кријат морничави приказни и мистерии. Овие некогаш живи населби, сега обвиткани во тишина и заборав, сведочат за трагични настани и необјаснети феномени.
Откријте ги најзастрашувачките напуштени градови и нивните мрачни легенди.
Припјат, Украина – Градот замрзнат во времето
Припјат е еден од најпознатите напуштени градови во светот. По нуклеарната катастрофа во Чернобил во 1986 година, градот бил евакуиран за само неколку часа, оставајќи зад себе училишта со отворени книги, напуштени домови и забавен парк што никогаш не го дочекал своето пуштање во употреба. За приказната, освен изгледот на градот, да биде поморничава, луѓето обично велат дека дека сенки на поранешните жители сè уште талкаат низ празните улици.
Колманскоп, Намибија – Градот на песочните духови
Ова некогаш богато рударско гратче во Намибиската пустина, било напуштено откако резервите на дијаманти се исцрпиле. Денес, неговите куќи се преплавени со песок, а легендите велат дека во ноќите со полна месечина може да се слушнат чекори на поранешните рудари.
фото извор: Wikipedia
Хашима, Јапонија – Островот на духовите
Хашима, некогаш густо населен рударски остров, денес стои како бетонска гробница среде морето. По затворањето на рудниците во 1974 година, островот бил напуштен, а неговите разурнати згради и тесни улички создаваат чувство на вистинска хорор-сцена.
Централија, САД – Градот што гори
Централија во Пенсилванија е град кој е напуштен поради подземен пожар, што гори повеќе од 60 години. Од пукнатините на улиците излегува чад, а малкуте преостанати жители тврдат дека ноќе слушаат чудни звуци и гласови.
Орадур сур Глан, Франција – Црковните ѕвона што одѕвонуваат во празнината
За време на Втората светска војна, германските сили го збришале Орвил од картата, оставајќи само тивки урнатини. Градот останал недопрен како потсетник на трагедијата, а посетителите велат дека навечер се слушаат далечни ѕвона и шепот на исчезнатите жители.