Некои места на Земјата имаат и тоа како чести денови со обилни врнежи од дожд.
Во Мосинрам (Индија), кое е сметано за најмокрото место на планетата, годишната количина на дожд достигнува неверојатни 11 871 мм. Но, најекстремните примери се кога дождот паѓа за само 24 часа. На Фок-Фок – на островот Реунион наврнало дури 1,825 метри дожд во периодот 7–8 јануари 1966 година.
Во соседниот регион, на Черапунџи (Мегалаја, Индија), се случило за само 48 часа да наврнат над 2,5 метри дожд рекорд што ги надминува просечните годишни врнежи во некои градови.
Иако овие бројки звучат апсолутно неверојатно — тие се реалноста што ја покажува суровата моќ на природата.
Ова е листата на топ 5 најмокри места на Земјата
Мосинрам (Индија)
• Важи за „најмокрото место на Земјата“, со просечна годишна количина на дожд од приближно 11 871 мм.
• Повеќето врнежи доаѓаат за време на монсунска сезона — јуни до август — кога месечно може да наврнат и над 1 200 мм.
• Во одредени години ова село има забележано екстреми: според извори, во една година паднале и над 26.000 мм дожд — иако тоа е историјска екстрема, не типична.
Черапунџи (Индија)
• Ова е место кое второ на листата— со просечни годишни врнежи од околу 11 777 mm.
• Држи рекорди за најмногу наврнат дожд за една година и еден месец.
• Монсунските ветрови од Бенгалскиот залив, судирајќи се со ридовите на Каси Хилс, предизвикуваат непрекинати и моќни врнежи, понекогаш со денови.
Тутунендо (Колумбија)
• Има со просечни годишни врнежи од околу 11 770 мм.
• За разлика од местата каде дождот е концентриран во дефинирана сезона, во Тутунендо дождот е речиси рамномерно распоредeн низ целата година — што значи дека дождови може да има „во секое време”.
Кроп Ривер (Нов Зеланд)
• Кроп Ривер, на западното крајбрежје на Нов Зеланд, е на листата на петте најмокри места – со просечни годишни врнежи околу 11 500 мм.
• Неговата локација создава услови за орографски врнежи, кога влажни ветрови се подигаат нагоре од морето, ја ладат атмосферата и ослободуваат многу влага во форма на дожд.
• Поради тоа, Кроп Ривер и околните шуми често се обвиени со мрак од облаци, дожд и густа магла — совршен, но суров пример за моќта на природата.
Дебунша (Камерун, Африка)
• Мало крајбрежно село на југозападот од Камерун, бележи годишни врнежи од околу 10 300 мм.
• Неговата позиција — на самиот брег, покрај океан, и под падините на вулканот Маунт Камерун, создава услови за силна кондензација и постојани дождови.
Што значат овие бројки?
• Количини од 10 000 ‒ 12 000 милиметри годишно значат дека на овие места дожд паѓа речиси на секој ден – често има повеќе денови со врнежи отколку суви денови.
• Во такви услови, природата е густа, шумите се тропски, реките често ги поплавуваат населените места, а за локалното население климата диктира начин на живот, архитектура и инфраструктура.