Физички напади, пожар во ходник од зграда во Гостивар, пронајдена марихуана, уцени. Ова се настаните од изминатото деноноќие, за кои информира СВР Тетово.
Имено, од таму информираат за два физички напади, едниот во тетовско село, а другиот случај е регистриран во Гостивар, како и два случаи на уцени и закани.
-На 20.11.2025 во 14:35 часот полициски службеници од ПО Групчин, лишиле од слобода 42- годишен маж од тетовско село, постапувајќи по претходна пријава дека околу 12:40 часот во нивниот семеен дом физички ја нападнал неговата 31- годишна сопруга. На истиот ден, во 19:20 часот, полициски службеници од ПС Гостивар, во Гостивар лишиле од слобода 50-годишен маж од Гостивар, постапувајќи по претходна пријава дека во семејниот дом физички ја нападнал неговата 45- годишна сопруга.
40- годишна жена од Гостивар пак, пријавила дека З.Л. од Гостивар ја уценувал со видео снимка со експлицитна содржина за да ја продолжи љубовната врска со него. Во СВР Тетово исто така, 31- годишна жителка од тетовско село, пријавила дека маж од с.Порој, тетовско, ја уценувал и и се заканувал. СВР Тетово презема мерки за расчистување на сите случаи.
Во билтен и информации за пронајдена и одземена марихуана.
-На 21.11.2025 во 00:50 часот на крстосницата од улица „Илинденска” со ул. „167″ во Тетово, полициски службеници од СВР Тетово лишиле од слобода 32-годишник од с.Мала Речица. Кај него при преглед била пронајдена и одземена марихуана. Тој бил задржан во полициска станица и по документирање на случајот против него ќе следува соодветен поднесок – велат од СВР Тетово.
Во населбата Млаки во Гостивар, пак, полициски службеници од ПС Гостивар, поради основи на сомнение дека во текот на овој и изминатиот месец сторил неколку кривични дела „кражба”, лишиле од слобода 44-годишник од Гостивар. Тој бил задржан во полициска станица и по документирање на случајот ќе му биде изготвен соодветен поднесок.
Што се однесува до пожарот, на 20.11.2025 околу 12:40 часот во ОВР Гостивар било пријавено дека настанал пожар во ормарите со електрични броила во ходник од станбена зграда во Гостивар. За среќа, нема повредени лица, а пожарот е изгаснат од Територијална противпожарна единица Гостивар. Увид на лице место извршила екипа од СВР Тетово.