25 јули е резервиран за музика на градскиот плоштад во Тетово, како дел од манифестацијата „Тетовско културно лето“.
Имено, најавен е настапот на бендот „Некст тајм“, а пред популарното дуо ќе настапи и Градскиот мешан хор „Балтепе“. Хорот иако е релативно нов, веќе бележи низа успешни настапи и наидува на позитивни реакции од публиката.
Музичката агенда на 25 јули е закажана за 20 часот.
Покрај Градскиот мешан хор „Балтепе“ и „Некст тајм“, тетовската публика ќе ја забавуваат и „Теди анд бреинфризерс“, кои доаѓаат од Гостивар.
