Вештачката интелигенција сè повеќе станува дел од секојдневното работење на компаниите, а здравствениот сектор не е исклучок.
Денес постојат решенија кои можат значително да ја олеснат организацијата на работата, да ја подобрат комуникацијата со пациентите и да им заштедат драгоцено време на здравствените работници.
Еден таков проект е DentaBot – AI асистент создаден во Македонија, од тетовката Елена Трпчевска, специјално наменет за стоматолошките ординации. Станува збор за виртуелен рецепционер кој автоматски комуницира со пациентите, закажува термини и помага во организацијата на секојдневните административни обврски.
За тоа како се родила идејата, како функционира системот, кои се неговите предности и какви се плановите за понатамошен развој, разговараме со креаторот на DentaBot.
Кажете ни најпрво, што е DentaBot?
-DentaBot е AI асистент за стоматолошки ординации. Неговата задача е да биде виртуелен рецепционер кој работи 24 часа дневно. Тој автоматски одговара на пораки на Facebook, Instagram, а во Pro верзијата и на WhatsApp, им помага на пациентите да закажат термин, им одговара на најчестите прашања и автоматски ги внесува термините во календарот на докторот. Со други зборови, DentaBot ја презема административната работа за стоматолошката ординација, за докторот да може да се посвети на пациентите.
Како дојдовте до оваа идеја?
-Разговарав со повеќе стоматолошки ординации и сфатив дека речиси сите имаат ист проблем. Телефонот ѕвони додека докторот работи. Пристигнуваат пораки на Facebook и Instagram. Некој сака да закаже термин во 22 часот. Некој прашува која е цената. Некој сака да го смени терминот. Сето тоа одзема многу време. Затоа го создадов DentaBot – дигитален асистент кој никогаш не спие.
Како функционира DentaBot?
-Многу едноставно. Пациентот испраќа порака на Facebook или Instagram. DentaBot веднаш одговара. Нуди избор на услуги. Го прашува пациентот кој термин му одговара. Пациентот резервира термин, а терминот автоматски се запишува во календарот на стоматологот. Нема телефонски повици. Нема рачно запишување. Нема заборавени пациенти.
Дали DentaBot е вистинска вештачка интелигенција?
-Да. Освен што може автоматски да закажува термини, тој разбира и природен разговор. На пример пациентот може да праша: „До кога работите?”, „Каде се наоѓате?”, „Колку чини белење на заби?”, „Дали работите во сабота?“ и DentaBot веднаш ќе одговори. Практично функционира како вистински рецепционер.
Дали ова значи дека ќе ги замени рецепционерите?
-Не. Целта не е да ги замени луѓето.Целта е да им помогне. Најголем дел од времето рецепционерите одговараат на исти прашања. DentaBot ги презема тие повторливи задачи, а персоналот има повеќе време за пациентите кои се во ординацијата.
Кои се најголемите придобивки?
-Пациентите добиваат одговор веднаш, нема изгубени пораки, нема пропуштени пациенти, докторот не мора постојано да одговара на телефон, сите термини се организирани во календар, ординацијата изгледа многу помодерно и попрофесионално.
Дали докторот има контрола врз термините?
-Апсолутно. Секој термин автоматски се внесува во календарот. Докторот може да ги гледа сите закажувања, да додава нови, да менува или откажува термини. Сè е синхронизирано.
Дали DentaBot може да се поврзе со постоечки CRM систем?
Да. DentaBot не е направен да го замени CRM системот. Напротив. Тој може да работи заедно со постоечкиот систем што веќе го користи ординацијата. А доколку ординацијата нема CRM, DentaBot може да понуди едноставно решение за организирање на пациентите.
Дали ова е само за големи клиники?
-Не. Направен е и за една стоматолошка ординација и за поголеми клиники. Секој што прима пораки и закажува пациенти може да има корист.
Што содржи Basic, а што Pro верзијата?
-Basic верзијата овозможува автоматско закажување преку Facebook и Instagram, синхронизација со календарот и автоматска организација на термините. Pro верзијата додава WhatsApp, автоматски потсетници за термин, AI одговори на прашања и дополнителни автоматизации кои значително ја намалуваат административната работа.
Колку време е потребно за инсталација?
-Во зависност од ординацијата, најчесто за еден до неколку дена системот може целосно да биде поставен и подготвен за работа.
Кои се вашите планови?
-Моментално започнуваме со стоматолошките ординации, но во иднина планираме истата технологија да ја примениме и во други бизниси каде што има многу закажувања и комуникација со клиенти.
Што би им порачале на стоматолозите?
-Би им порачала да не се плашат од вештачката интелигенција. AI не доаѓа да ги замени луѓето. Доаѓа да им заштеди време. А времето е највредното нешто што го има еден доктор.